Lus Hmoob yog ib hom lus ua qub thiab txawm muaj los lawm ntau txhiab xyoo ib yam nkaus li lus mab lus suav, tab sis vim yog tsis tau txais kev txhim kho thiab cob qhia kom cuag ncau yog li ntawv peb thiaj plam lw ntawm peb cov lus ib tiam dhau mus rau ib tiam. Los txog niaj hnub tam sim no thiaj pheej tseem zoo li muaj tsis txhij yuav hais dab tsis los zoo li tseem yuav tau siv luag pej kum lwm haiv lus los ntxiv mas thiaj hais tau raws siab xav.
Qhov no vim yog peb tu ncua kev cob qhia thiab tsis muab sau ua ntaub ua ntawv tseg. Peb thiaj tsis muaj ib xim thooj (system) zoo cob yim (education) los qhuab qhia peb tej tub tej ki tej xeeb leej xeeb ntxwv, peb Hmoob lub sawv fim (society) thiaj fav tsam (expand) raws tsis cuag luag pej kum lwm haiv neeg. Txawm li cas los xij tseem tsis tau lig rau peb, phau ntawv no yog teeb txheeb los ntawv James B Xiong ib leeg lub lij xeeb tswv yim xwb, tsis tau txais kev pom zoo ntawv ib lub koom txoos twg, tsuas yog tau txais kev pab kho thiab tseeb nyeem los ntawv ib cov tub txawg tub ntse raws li cov xyaum tim yeej (proofread team).

Kuv liaj txheej kev tshawb nrhiav lus Hmoob tsis yog txhom qus raws huab cua los tis lub ntsiab, tab sis yog ib khom lub yeej los ntawm peb cov lus lub tseem ntsiab fab yim xim phua kum xeeb tawm los cob txheeb nrog rau lwm lo lus uas sib thooj ntsiab thiab fav tsam lub yeej ntsiab mus siv nrog lwm lo lus. Lub yeej los ntawm peb cov lus Hmoob yog lus Suav (ancient Chinese), ntawv Suav yog thawj~ hom ntawv uas tib neeg xub~ siv tshaj plaws hauv ntaij teb no, neeg tseem xub siv ntawv Suav ua ntej Egytian thiab niaj hnub ntau tshaj 50% ntawv cov tib neeg hauv ntiaj teb no tseem siv ancient Chinese. Yog li ntawv yuav kom peb to taub thiab phua tau peb cov lus lub ntsiab peb yuav tsum tau muab peb cov lus piv rau lus Suav (ancient Chinese). Vim peb tsis tau muaj leej twg muab lus Hmoob xim lub ntsiab los sau ua phaus khaws cia rau xeeb leej xeeb ntxwv tau kawm yog li ntawv peb thiaj yuav tau khom lus (ancient Chinese) los pab peb txhais lub ntsiab ntawm peb cov lus. Nco ntsoov tias peb cov lus tsis yog modern Chinese. lus Suav (Chinese) muaj ntau hom heev tab sis muaj peb hom loj~ xws li yog
1. Manderin Chinese,
2. Cantonese Chinese,
3. Taiwonese Chinese;
Hmoob Chinese los kuj yog lus Suav tib yam nkaus, cov moderm Chinese no puav leej yog derived from ancient Chinese. Ancient Chinese twb muaj los tau 5000 xyoo lawm. Pib txij thaum ntuj tsim teb tsaug peb Hmoob yeej txawj hais yaj ceeb thiab yeeb ceeb lawm, tej lus no puav leej yog los ntawm ancient Chinese thiab tseem siv dav heev rau hauv modern Chinese even English tseem siv Ying and Yang tib ntxiag. Muab hais los ces lus Hmoob thiab lus Suav puav leej yog los ntawv (ancient Chinese) yog li ntawv tshaj 50% ntawm peb cov lus Hmoob uas peb niaj hnub no yog lus Suav ancient Chinese.

Piv txwv li : Lo lus Tuam Yim peb ib txwm siv tab sis peb paub tsis meej tias yog li cas tiag, tej tus kuj tob tau tias khav theeb, tsis ntshai tuag. Lub tseem ntsiab tiag yog li cas? Peb yuav tau mus taug lub yeej los ntawv lo lu Tuam Yim. Tuam thiab Yim puav leej yog los ntawm lus Suav los, Tuam xim lub ntsiab tau tias Loj xws li (los tuam, tuam thawj, tuam zeej, tuam tsev..) cov lus no puav leej taw tau tias Tuam txhais hais tias Loj. Yim ne ho yog li cas? Yim txhais tias lub Siab xws li (tswv yim, pom yim, mom yim..> tus tswv ntawm lub yim thiaj li yog idea, pom yim thiab mom yim yog puv lub siab los yog txaus siab). Yog li ntawv Tuam Yim ob lo ua ke txhais tau tias Siab Loj ua lub siab loj tsis paub ntshai [tsov rog tsis zoo tuam yim] no yog khom lub yeej ntsiab los fab yim xim meej thiaj paub coj mus fav tsam siv ua lwm yam xws li muab tuam thawj li tuam txis nrog rau cawm seej li seej ces yuav tau Tuam Seej [great hero] (tus tswv cawm seej uas muaj koob nto npe) tuam ua adjective piav txog tus tswv cawm seej ua yog noun (hero).

Tom qab peb txog tim meej pem peb cov lus lub ntsiab lawm, peb tsis tsuas neeb kom fav tsam siv yeej li fab fam xwb, peb tseem yuav xauj tsom tau cov lus uas muaj kev txheeb cob nrog rau ib lo lus twg xws li lo lus rov ntawm Tuam Yim yuav hais li cas? Peb twb paub tias Tuam Yim yog siab loj tsis paub ntshai, yog li ntawv siab me tai caus ho yuav hais li cas? Tuam yog loj, Xov yog me, Tuam Yim thiab Xov Yim thiaj li yog lus sib rov. Li no peb thiaj nrhiav tau lo lus Xov Yim siab me tais caus uas peb plam tsis siv los lawm ntau txhiab xyoo. Khom lij dua ib zaug ntxiv, es yog tus neeg xyuam zoo lub xeeb saib tsum qhov tseeb mam ua nws tsis tuam yim kuj tsis xov yim ne ho yuav hais li cas? Tsum Yim yog lo lus ua hais mus kis nruab nrab ntawv Tuam Yim thiab Xov Yim. Vuag!!!! Puas yog twb nrhiav tau ib lo zoo lus ntxiv lawm thiab? Lo lus Tsum txhais hais tias nres (come to a stop is the definition of 'focus') Tsum ntawm no thiaj li yog 'focus' Tsum Yim (careful, pay attention) thiaj li yog focus lub mind los yog xyuam lub xim xeeb (xyuam xim) uas nkag kis ntawm lo lus Tuam Yim (careless) thiab Xov Yim (coward), li no xwb ces twb nrhiav tau ob peb lo lus uas peb hnov qab siv rov qab coj los siv lawm tsis tas lam tau lam txhom qus los siv. Yog yuav hais mas peb hnub twb piav tsis tas peb cov lus cia koj mam mus tseeb meej koj tus kheej, thiaj tsis pheej tias lus Hmoob muaj tsis txhij vim yog koj tsis tau khom dua lij; txhij teeb Hmoob tsis yog muaj tsis txhua tab sis yog vim koj tsis tau mus kawm dua.